لأ بطعم الفلامنكو

الكتاب ده هاينقلك بهدوء وثقة من مرحلة (الحبو) خارج النص و(المشي) فوق أشواك العلاقات الخطرة وتجاوزها
إلى الضرب على الأرض بشكل إيقاعي متتابع ومبهر وكأنك راقص فلامينكو محترف يرقص فوق آلامه ويزلزل القلوب أمام عينيه يعلن عن نفسه في وجه العالم مع كل دببة عالية مدويّة من قدميه يرفع عنقه نحو السماء، ويغرس بذور وجوده الجديد في أعماق الأرض، جهّز قلبك وعقلك وروحك

التغيير هو أكبر تحدي ممكن يواجهك في حياتك، والتغيير الحقيقي بيكون معاه صعوبتين
الصعوبة الأولي: إنك هاتكون عامل زي الطفل المولود الجديد بتخرج للحياة ومعاك كل المخاوف زي ما معاك كل الفرص، بتتعرّف على نفسك وعلى الناس وكأنك بتشوفهم لأول مرة، بتختار اختيارات جديدة، وتمشي في سكك مختلفة حتى لو كانت مُوحشة، أو مهجورة
الصعوبة التانية: هي إن التغير له ثمن والثمن ده ممكن يكون غالي جدً، الكتاب ده عن التغيير، عن خطواته، وعن ثمنه، عن احتياجاتك، مخاوفك، حقوقك النفسية، عن قراراتك اللي أخدتها زمان، وقراراتك اللي هاتخدها دلوقتى